Hong Kong

Vid mættum þann 22 april til Hong Kong. Ég neita því ekki að við settum spurningamerki við það að vera í borginni í 6 daga þar sem Singapore var frekar leiðinleg en þar vorum við aðeins í 2 daga.

Við gistum í hverfi sem kallast Koowlon. Það er rétt fyrir utan Hong Kong eyjuna sem er aðalhluti Hong Kong. Þar eru allir skýjaklúfrarnir m.a. 5 hæsta bygging í heimi. 

Þar sem við höfðum nægan tíma tókum við því rólega, vöknuðum seint, sátum mikið á kaffihúsum og röltum um borgina.

Það helsta við sem skoðuðum var Soho; hverfi sem var ekkert merkilegt nema að þar var rúllustigi þar sem var nánast endalaus, hann var skemmtilegri en hverfið. Einnig fórum við á the Peak sem er hæð/fjall á Hong Kong eyju. Þar var ótrúlegt útsýni, þar gat maður séð yfir alla borgina. Um kvöldið sáum við síðan skýjaborgina að kvöldi til en þá var einskonar ljósashow í gangi sem var hið fínasta. 

TIl að vera menningarlegir(voru búnir að borða aðeins of mikið af McDonalds)skelltum við okkur í hádegismat að hætti Kínverja sem kallast Dim Sum. Maturinn leit ekki vel út en bragðaðist ansi vel. Maturinn samanstóð af 8 réttum og grænu te.

Meistaradeildin í fótbolta kryddaði uppá dvöl okkar í Hong Kong. Eins og sannir stuðningsmenn fórum við að nóttu til á írskan pub að horfa á Liverpool vs. Chelsea og Man Utd vs. Milan. 

Ein klisjan um asíubúa er að þeir elska karíókí. Þar sem margar hugmyndir fólks um önnur lönd eiga ekki við rök að styðjast þá ákváðum við að komast að hinu sanna.... og getið hvað jú við fundum nokkra vonlausa kínverska gaura blindfulla á karíókíbar á þriðjudagskvölid kl 22.30. Þeir undirskrikiðu sitt eigið vonleysi með því að rífa af okkur míkrafóninn og gefa okkur high five í tíma og ótíma. Frammistaða kvöldsins var án efa "As long as you love me" með Backstreet Boys sem Einar og Davíð rústuðu.

Indland

Ég viðurkenni fúslega að við fjórmenningarnir vissum ekki alveg við hverju við áttum að búast við komuna til Indlands. Við höfðum nú þegar ferðast til margra landa en aldrei fengið "menningarsjokk" þar sem allir heimurinn virtist fram af þessu ekki svo ólíkur.

Indland var öðruvísi.

Þetta byrjaði ekki vel hjá okkur. Við lentum um 3 að nótti til, og að sjálfsögðu vorum við ekki með neina addressu á hótelinu okkar enda væri það fáranlegt. Nokkrum klst og 1250 rúblum seinna vorum við komnir á hótelið okkar í Delhi.

Morgnuninn eftir vorum við með bílstjóra sem sýndi okkur helstu staðina í borginni. Sáum ýmsar hallir og rákumst m.a. á slöngutemjara og Kama Sutra snilling. En eitt var augljóst, það er mikið af fátæku fólki í Indlandi.

Frammundan var 3 daga ferðalag um Indland. Planið var hinn "Gullni þríhyrningur": Delhi-Jaipur(kölluð bleika borgin)-Agra(Taj Mahal).

Fyrsti dagur "road tripsins" var góður fyrir utan 45 stiga hitann. Maður sá margt á leiðinn m.a. fíla, úlfalda, kýr o.fl. Það tók sinn tíma að keyra þetta en væri hægt að skrifa margar bækur um hvernig Indverjar keyra. Það var bara einu sinni klest á okkur sem mér þykir vera kraftaverk. Mikið var um villt dýr á leiðinni, hin heilaga kú labbaði villt um götur borganna beint fyrir bílana en það skiptir ekki máli því beljan á réttinn, einnig var allt krögt af kameldýrum, apar sáust og villisvínin voru svöng að venju. 

Við skoðuðum virki, hallir og bleiku borgina Jaipur þar sem öll húsin í gamla hlutanum eru bleik. Einnig kíktum við til tesala og klæðskera.

Nú lá leiðin til Agra, borg sem þekktust er fyrir höllina/grafhýsið Taj Mahal. Sumir staðir eiga það til að valda manni vonbrigðum meðan aðrir koma á óvart. Taj Mahal kom ekki á óvart þar sem maður bjóst við mjög miklu en olli alls ekki vonbrigðum. Taj Mahal er ótrúleg smíði og var mjög gaman að sjá sólina setjast á þessum fallega stað. Fólk átti það til að biðja okkur og þá sérstaklega Einar um að vera með á myndum. Við vorum ekki að átta okkur á þessu fyrst en síðar kom það í ljós að Einar líkist ekki einum heldur tveimur Bollywood kvikmyndastjörnum. Það var ævintýrabragur yfir Taj Mahal mikið var um villta apa sem sátu með fólkinu og þegar sólin sast við höllina fannst manni eins og maður væri uppi á allt öðrum tíma en árið 2007.

Á leiðinni heim til Delhi stoppuðum við í búð sem framleiddi og seldi pernesk teppi og var ótrúlegt að sjá nákvæmnisvinnunna sem liggur þar á bakvið. Það sama á við um marmaraframleiðsluna.

Indlan er að okkar mati athyglisverður áfangastaður, landið er spennandi. Hér sér maður hluti sem sjaldan sjást í öðrum löndum en ýmsir eru gallarnir. Það er hræðilegt að horfa uppá fátæktina.

Kv. Heimsreisustrákarnir